Zvicra dhe Kosta Rika u ndanë në barazim 2-2 në ndeshjen e fundit të grupit E, duke plotësuar secila skuadër objektivin që kishte përpara kësaj ndeshjeje.

Zviceranët kaluan në fazën me eliminim direkt të Botërorit, ndërsa kostarikanët arritën që jo vetëm të shënonin në këtë kompeticion, por edhe të merrnin pikën e parë në grup pas dy humbjesh radhazi.

Dzemaili dhe Drmic shënuan golat për Zvicrën, ndërsa Waston dhe Ruiz (në minutat e fundit të ndeshjes me penallti), shënuan për Kosta Rikën.

Zvicra do të ndeshet me Suedinë në 1/8 e finaleve të “Rusi 2018”.