Kryeministri i Spanjës, Pedro Sanchez, ka bërë thirrje që Kombet e Bashkuara të “rinovohen dhe reformohen” për t’u përshtatur me realitetet e shekullit të 21-të dhe për të reflektuar më mirë sfidat globale aktuale.

Duke folur në Barcelonë gjatë takimit të katërt “Në Mbrojtje të Demokracisë”, Sanchez paralajmëroi për rritjen e presioneve ndaj multilateralizmit, ligjit ndërkombëtar dhe institucioneve demokratike. Ai theksoi se OKB-ja duhet të bëhet më efikase, transparente, gjithëpërfshirëse dhe përfaqësuese, duke shtuar se në të ardhmen organizata duhet të drejtohet nga një grua, si çështje drejtësie dhe besueshmërie.

“Është koha për të kaluar nga angazhimi në veprim”, u shpreh ai, duke paralajmëruar se demokracia përballet me rreziqe si nga brenda ashtu edhe nga jashtë.

Sanchez kërkoi gjithashtu rregullore më të forta për platformat e rrjeteve sociale, duke paralajmëruar se algoritmet nuk duhet të shpërblejnë urrejtjen, polarizimin apo dezinformimin. Sipas tij, teknologjia mund të jetë një forcë progresi, por pa rregulla të qarta ajo rrezikon të thellojë ndarjet në shoqëri.

Burimi: mesazhi