E hënë, 12 Gusht 2013
Lidhja Demokratike e Kosovës (LDK), ende nuk e caktuar kandidatin për të garuar për të parin e Prishtinës.
Drejtuesit e këtij subjekti politik e konsiderojnë se ende ka kohë për të nominuar kandidatin. Kreu i kësaj partie, njëherë edhe kryetar i Komunës së Prishtinës, Isa Mustafa, ndonëse jep premtime që do të realizohen shumë projekte në këtë komunë, nuk sqaron nëse do të jetë ai që do të realizon ato projekte apo ndonjë bashkëpartiak i tij, transmeton KP.
Me rastin e organizimit të disa aktiviteteve për Ditën Botërore të Rinisë, lideri i LDK-së, Isa Mustafa, i pyetur nga mediat rreth emrit të kandidatit që do futet në gatë për të udhëhequr me Prishtinën, ka thënë se në fillim të shtatorit do të dihet emri.
“Jo do të caktojmë në afat. Do të thotë ne kemi kohë deri në fillim të shtatorit që të bëjmë certifikimin e kandidatëve. Jemi në procedura të rregullta dhe atë do të bëjmë”, ka theksuar Mustafa.
Për të parë aktivitetet të cilat janë organizuar me rastin e kësaj dite, në shumicën e atyre aktiviteteve edhe vet Mustafa ishte pjesëmarrës. /Telegrafi/
Etiketa: Kosovë, LDK, Prishtinë, Zgjedhjet