Liderët e BE-së premtojnë “sanksionet më të ashpra ndonjëherë” kundër Rusisë në përgjigje të “sulmit barbar”

BRUKSEL – Presidentja e Komisionit Europian, Ursula von der Leyen premtoi se do të “dobësojë bazën ekonomike të Rusisë dhe kapacitetin e saj për t’u modernizuar” pas “sulmit barbar” të Moskës kundër Ukrainës.

“Ne do të ngrijmë asetet ruse në Bashkimin Europian dhe do të ndalojmë aksesin e bankave ruse në tregjet financiare europiane”, u tha Von der Leyen gazetarëve të enjten.

“Ne e dënojmë këtë sulm barbar dhe argumentet cinike që po përdoren për ta justifikuar atë.”

Sanksionet “më të ashpra”: Von der Leyen tha se do të paraqesë sanksione “masive dhe strategjike” kundër Rusisë për miratim më vonë sot.

“Këto sanksione janë të dizajnuara për të shkaktuar dëme të rënda mbi interesat e Kremlinit dhe aftësinë e tyre për të financuar luftën. Dhe ne e dimë se miliona rusë nuk duan luftë”, tha ajo.

“Ne nuk do të lejojmë që presidenti [Vladimir] Putin të zëvendësojë sundimin e ligjit, me sundimin e forcës dhe pamëshirshmërisë,” tha ajo, “Ukraina do të mbizotërojë”.

Duke folur së bashku me Von der Leyen, Përfaqësuesi i Lartë i BE-së Josep Borrell tha se masat ndëshkuese nga blloku 27-anëtarësh kundër Rusisë do të ishin “paketa më e ashpër e sanksioneve që është zbatuar ndonjëherë”.

Etiketa: , , , , , ,

Leave a Reply