Liria ka mposhtur në barazh Ferizajn përmes penalltive, pasi koha e rregullt dhe vazhdimet nuk prodhuan gola, për t’u rikthyer kështu në Albi Mall Superligën e Kosovës.

Dy skuadrat u munduan deri në fund që të gjenin golin e fitores, mirëpo nuk ia dolën, ndërsa e njëjta situatë ishte edhe në vazhdime, ku rastet nuk munguan, por lojtarët nuk ishin efikas.

Kështu, në gjuajtjen e penalltive, Liria doli të ishte më e saktë, duke shënuar tri, për dallim nga Ferizaj që humbi tri dhe nuk realizoi asnjë.

Liria inkuadrohet në Superligën e Kosovës, ndërsa do të shpresojë që me disa përforcime në verë të mos përjetojë më renien nga elita e futbollit kosovar, derisa Ferizaj do të tentojë të rikthehet në Superligë nga edicioni i ri.