Moska zyrtare përgënjeshtroi kategorikisht se një kolonë mjetesh të blinduara ruse kishte kaluar kufirin me Ukrainën.

Në disa media perëndimore u tha se për më tepër disa prej tyre ishin shkatërruar nga zjarri i forcave qeveritare ukrainase, duke u bazuar në njoftime zyrtare që kishin si burim autoritetet në Kiev.

Këta të fundit deklaruan se një incident i tillë kishte ndodhur gjatë natës së të premtes.

Nga ana tjetër, Kryqi i Kuq Ndërkombëtar ka pranuar të marrë në dorëzim ndihmën ruse për zonat e prekura në konfliktin në lindje të Ukrainës. Karvani me 2 mijë tonë ndihma ndodhet ende në anën ruse të kufirit që prej më shumë se 24 orësh.

Ministri i Mbrojtjes Sergej Shojgu e siguroi në një bisedë telefonike homologun e tij amerikan, Çak Hejgëll, se nuk ka asnjë material ushtrak për separatistët, në këtë parti ndihme.