Prizren Post - Nga qendra e Ballkanit!

Mustafa: Kriteret për vizat i kemi përmbushur – opozita atë punë ka, duhet të thotë diçka

Prizren Post | 14:23 - 21.12.2015

Prishtinë – Kryeministri Isa Mustafa sot gjatë përurimit të një segmeti të rrugës nacionale N2, Prishtinë – Mitrovicë, ka folur edhe zhvillimet e fundit në vend, duke përfshirë edhe liberalizimin e vizave.

Ai me këtë rast ka thënë se Kosova i ka përmbushur edhe ato 8 kritere që i kërkon BE-ja para se të vendos për heqjen e vizave për Kosovën.
Kreu i qeverisë ka thënë se që nesër do të ketë takim ku do të bëhet vlerësimi i secilit nga 8 kriteret e mbetura.

Ndërsa, për akuzat e Opozitës, se mosliberalizimi i vizave po ndodhë shkaku i korrupsionit, Mustafa ka thënë se me ardhjen e tij në krye të ekzekutivit, kjo dukuri është zvogëluar dukshëm.
Kurse akuzat e Opozitës kryeministri Mustafa i ka cilësuar si diçka e zakonshme pasi sipas tij Opozita atë punë ka, që të kritikojë. “Opozita duhet të thotë diçka sepse është opozitë”.
Mustafa ka folur edhe për djegien e veturave zyrtare, gjë për të cilën tha se organet e hetuesisë duhet t’i zbardhin sa më parë këto raste, që ato të ndalen.

Kurse se do t’i permbahet marreveshjes së koalicionit PDK-LDK, kreu i kësaj të fundit tha se zëvendësi i tij në qeveri, Hashim Thaçi do të jetë president i Kosovës. “Zotohem se marrëveshja PDK-LDK do të zbatohet”.


Etiketa:
Arivisti Company