Kuvendi i Kosovës do të mblidhet të premten në seancën e radhës plenare, e cila është caktuar të fillojë në orën 10:00.

Vendimi për mbajtjen e kësaj seance u mor gjatë mbledhjes së Kryesisë së Kuvendit të mbajtur të martën më 14 prill.

Një nga çështjet kryesore që pritet të trajtohet është shqyrtimi i vendimit të Qeverisë së Kosovës për angazhimin e Forcës së Sigurisë së Kosovës në një mision jashtë vendit.

Konkretisht, bëhet fjalë për pjesëmarrjen e FSK-së në kuadër të një force ndërkombëtare stabilizuese në Gaza, gjë që është konfirmuar edhe nga zyra për informim e Kuvendit.

Në të njëjtën seancë, deputetët do të marrin në shqyrtim edhe Projektligjin për themelimin e Byrosë Shtetërore për verifikimin dhe konfiskimin e pasurisë së pajustifikueshme.

Të dyja çështjet kanë kaluar më herët në komisionet përkatëse parlamentare.

Miratimin e procesverbalit nga mbledhja e kaluar

Shqyrtimin fillestar të projektligjit për Byronë për konfiskimin e pasurisë së pajustifikueshme

Shqyrtimin e vendimit për dërgimin e FSK-së në mision ndërkombëtar në Gaza

Propozimin e kandidatëve për gjyqtarë në Gjykatën Kushtetuese

Burimi: mesazhi