Prizren Post - Nga qendra e Ballkanit!

PDK-ja e LDK-ja, konfrontohen për Specialen

Prizren Post | 08:40 - 06.05.2015

Prishtinë – Qëndrim konfrontues ndërmjet vete mbajnë partnerët e koalicionit qeverisës, PDK-ja dhe LDK-ja, përkitazi me juridiksionin kohor dhe lëndor të Gjykatës Speciale. Kjo pritet të reflektohet edhe në vendimmarrje për Specialen në Kuvend.

Një ekip teknik i dominuar nga eksponentë të PDK-së, i ka kërkuar Grupit politik që drejtohet nga presidentja Atifete Jahjaga që juridiksioni i Gjykatës të mbulojë periudhën kohore 1 janar 1998 – 31 dhjetor 1999, shkruan “Koha Ditore”.

Në anën tjetër, në Projektligjin për Specialen të hartuar nga Bashkimi Evropian, është kërkuar që juridiksioni kohor të përfshijë periudhën deri në fund të 2000-s.

Ekipi teknik i ka kërkuar lidershipit politik që ta qartësojë me autoritetet e BE-së çështjen e zgjatjes pa paralajmërim të periudhës kohore për një vit të tërë.


Etiketa:
Arivisti Company