Policia Metropolitane e Londrës ka arrestuar mbi 20 persona gjatë një proteste në mbështetje të grupit të ndaluar Palestine Action.

Ky grup, që vetëpërshkruhet si një lëvizje paqësore e veprimit të drejtpërdrejtë, u shpall zyrtarisht i jashtëligjshëm sot sipas Ligjit për Terrorizmin. Një përpjekje ligjore e minutës së fundit për ta ndaluar këtë vendim u refuzua nga gjykata të premten.

Përkrahësit e Palestine Action e kanë quajtur ndalimin si të ashpër dhe protestuan sot në Londër. Policia njoftoi në rrjetet sociale se ka arrestuar “mbi 20 persona nën dyshimin për shkelje të Ligjit për Terrorizmin” dhe i ka dërguar në paraburgim.

“Palestine Action është një grup i ndaluar dhe oficerët do të veprojnë kur të kryhen vepra penale,” thuhet në deklaratën e policisë. /mesazhi