Në njoftim nga Dogana e Kosovës thuhet se të hyrat krahasuar me vitin e kaluar, paraqesin një rritje afër 20 milionë euro, pasi që vitin e kaluar Dogana kishte mbledhur rreth 484 milionë euro, kurse tani në të njëjtën periudhë Dogana ka arritur të mbledh mbi 506 milionë euro.

Më tutje thuhet se, një nga faktorët që ka ndikuar direkt në rritjen e performancës së organizatës është edhe reforma e aplikuar në regjionalizimin e institucionit. Gjithashtu rritja e kontrolleve kufitare, luftimi i kontrabandës si dhe rritja e përmbushjes vullnetare nga bizneset e përgjegjshme.