Real Madrid ka konfirmuar se mesfushori Luka Modric dhe mbrojtësi brazilian, Marcelo, kanë pësuar lëndimet gjatë ndeshjes së fundit ndaj Malagas, deri pritet të mungojnë për disa javë.

Dyshja e futbollistëve u zëvendësua në fitoren 2-1 të së shtunës ndaj Malagas dhe tani klubi madrilen ka konfirmuar pas testeve se të dy, Marcelo dhe Modric vuajnë nga dëmtimet muskulore.

Pas ekzaminimeve, mendohet se Marcelo do të humbasë ndeshjet e Realit për rreth një muaj, ndërsa mesfushori kroat do të mungojë dy deri në tri javë pasi shkalla e lëndimit është më e vogël, përcjell Telegrafi.