Kreu i zyrës së Organizatës Botërore të Shëndetësisë për Europën tha se gati gjysma e vdekjeve nga koronavirusi i ri (COVID-19) në të gjithë rajonin kanë qenë në shtëpi për të moshuarit, duke e quajtur atë një “tragjedi të paimagjinueshme”, transmeton AA.

Në një konferencë shtypi, drejtori i OBSH-së për Europën, Dr. Hans Kluge, tha se një “imazh thellësisht shqetësues” po shfaqet në ndikimin e COVID-19 në shtëpitë e të moshuarve, ku kujdesi “shpesh është lënë shumë keq pas dore”.

Kluge tha se punonjësit e shëndetit në institucione të tilla shpesh ishin të mbingarkuar dhe me paga të ulta dhe kërkoi që atyre t’u jepej më shumë pajisje mbrojtëse dhe mbështetje, duke i përshkruar ata si “heronj të heshtur” të pandemisë.

Ai tha se ndërsa shpërthimi i koronavirusit në disa vende evropiane duket se po stabilizohet ose po zvogëlohet, pandemia ende është shumë larg përfundimit të saj.

Kluge gjithashtu theksoi se rreth gjysma e barrës globale të rasteve dhe vdekjeve të COVID-19 janë në Europë. Ai tha se OBSH së shpejti po dërgonte ekipe në Bjellorusi, Turkmenistan dhe Taxhikistan për të rritur kapacitetet e përpjekjeve të tyre të kontrollit.