Mjekët në Indi kanë bërë të ditur se janë gjetur 270 trupa nga vendi ku të enjten u rrëzua një avion në qytetin Ahmedabad.

Avioni, që ishte nisur drejt Londrës, u përplas në një zonë të banuar pak pas ngritjes, duke shkaktuar vdekjen e pothuajse të gjithë pasagjerëve në bord. I vetmi i mbijetuar është një burrë britanik 40-vjeçar, ndërsa 241 persona të tjerë humbën jetën.

Zyrtarët po punojnë për të përcaktuar sa persona kanë humbur jetën në tokë, dhe ndërkohë vazhdojnë procesin e ngadaltë të krahasimit të mostrave të ADN-së për të identifikuar viktimat.

Ceremoni përkujtimore janë mbajtur në disa qytete të Indisë dhe Mbretërisë së Bashkuar për të nderuar viktimat e tragjedisë. /abcnews