Një vajzë 9-vjeçare ka humbur jetën pasi ra në kontakt me rrymën elektrike mesditën e të shtunës në fshatin Vreshtas të komunës Shushicë të Elbasanit.

Migena Cankoi aksidentalisht ka shkelur përcjellësin e zhveshur të pompës elektrike të pusit në oborrin e shtëpisë.

Me të dëgjuar ulërimat e motrës më të vogël, familjarët kanë dalë në oborr duke e gjetur vajzën të vdekur në vend.

Fatmirësisht ka shpëtuar pa lëndime vajza më e vogël e familjes Cankoi e cila u përpoq ta ndihmonte të motrën.