Kreu i delegacionit rus në negociatat e organizuara nga Turqia në Stamboll, Vladimir Medinsky tha se shkëmbimi i të burgosurve të plagosur rëndë nga vija e frontit me Ukrainën do të zhvillohet nesër, transmeton Anadolu.

Ndihmësi i presidentit rus Vladimir Putin, Medinsky bëri deklarata në llogarinë e tij në rrjetet sociale në lidhje me shkëmbimin e trupave të ushtarëve midis Rusisë dhe Ukrainës.

Ai tha se transferimet e morteve kanë filluar në përputhje me marrëveshjen e arritur në Stamboll. “Ne i transferuam palës ukrainase trupat e 1.212 ushtarëve anëtarë të Forcave të Armatosura të Ukrainës. Ndërsa neve na u rikthyen trupat e 27 ushtarëve anëtarë të Forcave të Armatosura Ruse”, tha Medinsky.

Duke vënë në dukje se përpjekjet për transferimin e morteve midis Rusisë dhe Ukrainës do të vazhdojnë, Medinsky theksoi se ata do të fillojnë shkëmbimin e të burgosurve të plagosur rëndë nga vija e frontit më 12 qershor.

Si rezultat i negociatave të mbajtura në Stamboll midis Rusisë dhe Ukrainës, të organizuara nga Turqia më 2 qershor, u arritën marrëveshje për dorëzimin e trupave të ngrirë të 6.000 ushtarëve ukrainas, shkëmbimin e ushtarëve të sëmurë dhe të plagosur rëndë dhe të ushtarëve të kapur rob nën moshën 25-vjeç.

Në kuadër të kësaj marrëveshjeje, një shkëmbim në dy faza i të burgosurve të luftës, ushtarëve të sëmurë rëndë dhe të plagosur nën moshën 25-vjeç u realizua midis Rusisë dhe Ukrainës më 9 dhe 10 qershor.

Ukraina njoftoi sot se trupat e 1.212 ushtarëve ukrainas që kanë humbur jetën në luftë iu dorëzuan nga Rusia.