Prizren Post - Nga qendra e Ballkanit!

Snowden: Përmes një SMS-i qeveria fiton qasje në fotot, mesazhet dhe çdo gjë që keni në celular

Prizren Post | 13:09 - 05.11.2017

  •  
  •  
  •  
  •  
  •  
  •  
  •  
  •  

Ai asnjëherë nuk heziton të na mahnitë me fakte të ndryshme, dhe së fundmi ka treguar disa informacione të cilat do t’ju nxisin të mendoni dy herë për sigurinë tuaj, tarnsmeton Telegrafi.

Snowden është duke jetuar në Rusi tash e sa vite dhe nuk mund të rikthehet në SHBA sepse aty e pret burgu, pasi që në vitin 2013 kishte zbuluar informacione top sekrete se si Agjencia Nacionale e Sigurisë (NSA) zhvillonte aktivitete të ndryshme monitorimi.
Për vite të tëra ai ka treguar se si agjencitë dhe qeveritë e ndryshme në tërë botën e përdorin një metodë sekrete për të pasur qasje në telefonat e mençur të individëve. Kjo, sipas tij, mund të bëhet vetëm përmes një mesazhi.

Snowden ka treguar për BBC se pronarët e telefonave të mençur nuk mund të bëjnë thuajse asgjë për ta parandaluar këtë. Edhe kur celulari juaj është i ndalur, ata mund ta ndezin atë; bisedat tuaja mund të përgjohen; fotografitë tuaja nuk janë të sigurta, etj.
Teknologjia që e mundëson këtë njihet si ‘Smurf’, dhe ka lloje të ndryshme të kësaj metode.

– “Dreamy Smurf” mund ta bëjë celularin tuaj të ndizet dhe ndalet pa e ditur ju fare.

– “Nosey Smurf” mund të dëgjojë çdo gjë përreth jush.
– “Tracker Smurf” mund të dijë saktësisht ku jeni pa asnjë vështirësi.

Vlen të ceket se këto nuk janë të vetmet teknologji të përgjimit, por vetëm tri kryesoret të cilat Snowden i ka përmendur, transmeton Telegrafi.
34 vjeçari gjithashtu ka përmendur edhe një mjet të njohur si “Paranoid Smurf” (‘Smurfi’ në Paranojë) ku tregon se shërben si metodë për ta mbrojtur manipulimin që agjencitë e bëjnë te ju.
Për shembull, nëse dëshironi ta dërgoni celularin në servis sepse keni vërejtur që diçka e çuditshme po ndodh kohëve të fundit, çdo ekspert i celularëve do ta ketë të vështirë të kuptojë se çfarë në të vërtet po ndodh.

Posa agjencitë të kenë fituar qasjen në celularin tuaj, Snowden thotë se ata mund të shohin kë e thërrisni, me kë keni shkëmbyer mesazhe, çfarë keni kërkuar në internet, vendet ku keni qenë, rrjetet ‘Wi-Fi’ në të cilat keni qenë të lidhur, etj.

Ndër tjerash, ata edhe mund t’ju fotografojnë juve përmes celularit tuaj.
Pra, të tërë këto të dhëna agjencitë mund t’i marrin vetëm përmes një SMS-i, i cili iu dërgohet juve, por ju nuk e shihni.
Pavarësisht se për telefonin keni paguar ju vet, Snowden thotë se dikush tjetër e kontrollon softuerin e telefonit!


Etiketa:

Bëni një koment

Arivisti Company