Ministria e Shëndetësisë e Libanit njoftoi se shtatë persona janë vrarë dhe 15 të tjerë janë plagosur si pasojë e një sulmi ajror izraelit në jug të vendit.

Qendra e Operacioneve Emergjente e ministrisë bëri të ditur se sulmi goditi qytetin Saksakiya në distriktin Saida, duke shkaktuar viktima, mes tyre edhe një fëmijë. Sipas autoriteteve, në mesin e të plagosurve ndodhen edhe tre fëmijë.

Më herët gjatë ditës së shtune, raportet lokale njoftuan se një shtetas sirian dhe vajza e tij humbën jetën në një tjetër sulm ajror izraelit në qytetin Nabatieh, po ashtu në jug të Libanit.

Sulmet vijnë në mes të tensioneve të vazhdueshme në kufirin mes Libanit dhe Izraelit. /mesazhi

Burimi: mesazhi