Mesfushori shqiptar Blerim Xhemaili do të rikthehet në Seria A.

Sipas mediave italiane, mesfushori i Galatasarayt do të rikthehet në Itali tek Fiorentina.

Galatasaray dhe Fiorentina kanë arritur marrëveshje për transferimin e reprezentuesit shqiptar të Zvicrës.

Ish mesfushori i Napolit, i cili nuk tregoi formë të mirë tek gjiganti turk sërish do të luajë në Seria A, por kësaj radhë tek Fiorentina, skuadër kjo që synon të sigurojë një vend që çon në kupat evropiane.

Raportohet se Xhemaili të hënën do të jetë në Firencë, ku do të kryej testet mjekësore, e më pas zyrtarisht do të firmos kontratën me Fiorentinën, e cila do t’i paguajë gjigantit turk 3 milionë euro për transferimin e mesfushorit shqiptar.