Sipas raportimit të MARCA, mbrojtësi i Chelseat vlerësohet shumë nga trajneri i Barcelonës, Hansi Flick, i cili e konsideron spanjollin si profilin ideal për të forcuar repartin defensiv të skuadrës.

Një rikthim i Cucurellas në “Camp Nou” mund të bëhet realitet nëse drejtuesit katalanas vendosin të dëgjojnë ofertat për Alejandro Balden gjatë kësaj vere. Largimi i mundshëm i mbrojtësit të ri do t’i hapte rrugë Barcelonës për të investuar në një emër me përvojë dhe të dëshmuar në nivelet më të larta.

Cucurella, i cili është pjesë e Chelseat, vazhdon të mbetet një nga mbrojtësit e majtë më të vlerësuar në futbollin evropian. Para kalimit në Premier League, ai ishte pjesë e akademisë së Barcelonës, çka do ta bënte transferimin e tij një rikthim në klubin ku u formua si futbollist.

Megjithatë, Barcelona pritet të përballet me konkurrencë të fortë për shërbimet e tij. Sipas të njëjtit burim, Chelsea e vlerëson kartonin e Cucurellas mes 60 dhe 70 milionë eurove, ndërsa edhe Atletico Madridi dhe Manchester City po monitorojnë nga afër situatën e reprezentuesit spanjoll.

Me afatin kalimtar që po afrohet, mbetet të shihet nëse Barcelona do të ndërmarrë hapa konkretë për të siguruar firmën e Cucurellas dhe për t’i dhënë Hansi Flick një nga objektivat e tij kryesorë për sezonin e ardhshëm.

Burimi: 04online