Fluturat përdorin iluzionet optike për të ngatërruar predatorët.

Nga këta të fundit, janë shumë të paktë ata që janë të specializuar në kapjen e tyre në fluturim, pavarësisht se janë shumëngjyrëshe e nuk kalojnë pa u vënë re.

Tashmë është kuptuar që arsyeja qëndron pikërisht pas krahëve të tyre, ku format e ngjyrat mbi krahët gjatë fluturimit, teksa i rrahin shpejt, krijojnë iluzione të fuqishme optike që e ngatërrojnë çdo gjahtar.

Rezultati është se nuk arrijnë të vlerësojnë në mënyrë korrekte e të saktë as shpejtësinë e as drejtimin, duke i ndikuar që të gabojnë në përllogaritjen e trajektores.

Ky është konkluzioni i një studimi të gjatë të publikuar në revistën shkencore prestigjoze “Nature” nga një grup kërkimor i Universitetit britanik “Exeter”, që për herë te parë konfirmon teorinë sipas së cilës dizenjot të tilla si tek zebrat, gjarpërinjtë dhe hardhucat janë në gjendje të shqetësojnë perceptimin viziv.

Autorët e studimit kanë përdorur një telekamerë me shpejtësi të lartë për të kapur fluturimin e fluturave me rreth një mijë fotograme në sekond, për të kuptuar si duken në sytë e një zogu.

Kanë ekzaminuar rreth 400 flutura evropiane dhe kanë testuar mbi 50 mijë forma e ngjyra të krahëve të tyre.

Efekti ishte impresionues, dhe lëvizja e tyre ngatërron thellësisht syrin, me një mekanizëm gati hipnotik.

Burimi: mesazhi