Presidenti i Izraelit, Isaac Herzog, deklaroi se do të shqyrtojë kërkesën për falje të kryeministrit Benjamin Netanyahu vetëm pasi të shterohen përpjekjet për arritjen e një marrëveshjeje jashtë gjykatës në çështjen e tij për korrupsion.

Në një deklaratë të publikuar të dielën, Herzog theksoi se një marrëveshje midis palëve do të ishte zgjidhja më e mirë, duke sinjalizuar se nuk pritet një vendim i shpejtë për faljen.

Çështjet ligjore të Netanyahut, që nisën rreth një dekadë më parë, kanë polarizuar shoqërinë izraelite dhe kanë ndikuar në politikën e vendit, duke çuar në disa zgjedhje të njëpasnjëshme midis viteve 2019 dhe 2022. Zgjedhjet e ardhshme pritet të mbahen deri në fund të tetorit 2026.

Netanyahu i ka mohuar akuzat për ryshfet, mashtrim dhe shpërdorim detyre. Ai është kryeministri i parë në detyrë në Izrael që përballet me akuza penale dhe pritet të rikthehet në gjykatë këtë javë, ndërsa procesi gjyqësor i nisur në vitin 2020 vazhdon.

Ndërkohë, presidenti amerikan Donald Trump ka bërë disa thirrje publike që Herzog t’i japë falje Netanyahut, duke e kritikuar atë për vonesat në marrjen e vendimit. /mesazhi

Burimi: mesazhi