Tre persona janë lënduar si pasojë e një përleshjeje që ka ndodhur sot rreth orës 14:40 në rrugën “Lidhja e Prizrenit” në Istog, afër Stacionit të Autobusëve.

Lidhur me rastin, detaje për Klankosova.tv ka dhënë Fadil Gashi, zëdhënës i policisë për rajonin e Pejës.

Ai tha se njëri nga të lënduarit dyshohet se plagët i ka marrë nga mjeti i mprehtë dhe si rezultat i lëndimeve më serioze është nisur për në QKUK.

“Në rrugën ‘Lidhja e Prizrenit’ në Istog afër Stacionit të Autobusëve, rreth orës 14:40 janë përleshur disa persona dhe janë përdorur mjetë të mprehta. Policia ka dalë në vendin e ngjarjes. 3 persona janë të lënduar, një është më rëndë dhe dyshimet janë se është i lënduar prej mjetit të mprehtë. Policia ka gjetur disa dëshmi”, deklaroi Gashi.

Deri më tani nuk ka asnjë person të dyshuar i cili është arrestuar.

Prokuroria ndërkaq për Klankosova.tv tha se dyshohet që të përfshirët në këtë rast janë të mitur.

Vrasje në tentativë në Istog, i mituri në gjendje kritike

Burimi: klankosova