E martë, 5 Maj 2026

Një incident i rrezikshëm ka ndodhur sot në lagjen e Muhaxherëve, në rrugën “Rrusetm Statovci” në Prishtinë, ku një taksie i është bllokuar timoni, duke dalë jashtë kontrollit dhe duke përfunduar në trotuar.
Si pasojë, sipas lexuesve të Klankosova.tv, janë rrezikuar qytetarët dhe shtëpitë pranë rrugës.
Sipas tyre, vetëm pengesat e vendosura kanë bërë që automjeti të mos depërtojë në oborrin e një shtëpie, duke shmangur kështu pasoja edhe më të mëdha.
Klankosova.tv ka dërguar pyetje në polici për të marrë detaje më të hollësishme mbi rastin.
Burimi: klankosova
