Në një intervistë të kohëve të fundit, aktori i famshëm Rowan Atkinson zbuloi historinë interesante se si u emërua personazhi i tij më i famshëm, Mr. Bean.

Personazhi e ka origjinën në vitet 1980 dhe Atkinson e prezantoi për herë të parë para një audience jo-anglishtfolëse në Festivalin e Komedisë në Kebek në vitin 1987, për të testuar nëse humori mund të funksiononte pa dialog.

Kur ai dhe bashkë-shkrimtari Richard Curtis vendosën t’i jepnin personazhit serialin e tij televiziv, ata u përballën me një problem – ai nuk kishte një emër.

Atkinson e shpjegoi këtë gjatë një paraqitjeje në BBC Radio 2.

 “Ishte një personazh, por ai kurrë nuk kishte një emër, të cilin e zhvilluam në skenë. Pastaj vendosëm ta vendosnim në televizion dhe ta emërtonim serialin sipas tij, por na mungonte një emër”, tha aktori dhe shtoi:

“Bean tingëllonte thjesht si një personazh i shkurtër, i mprehtë, monosilabik, me një B në të. Në përgjithësi, fjalët që fillojnë me B janë pak më qesharake se fjalët që nuk fillojnë me B,” shpjegoi Atkinson teorinë e tij të pazakontë.

Aftësia e Atkinson për të krijuar një personazh të njohur globalisht dhe të dashur pa asnjë fjalë të folur ende i magjeps fansat sot, sipas LADbible.

Shpjegimi i tij për emrin vetëm sa nxiti lëvdata të reja në mediat sociale.

“Është shumë mirë që ka një fjalor dhe shqiptim të shkëlqyer, dhe është gjithashtu një nga aktorët më të mirë të filmave të heshtur”, “Është e çmendur se si krijoi një personazh kaq popullor pa asnjë fjalë”, janë disa nga komentet. /tesheshi.com/

Burimi: mesazhi.com