Smotrich: “Për çdo sulm me dron, dhjetë ndërtesa në Bejrut duhet të shkatërrohen”

Ministri izraelit i Financave, Bezalel Smotrich, dhe Shefi i Shtabit të Ushtrisë Izraelite, Eyal Zamir, kërkuan gjatë një takimi të kohëve të fundit të kabinetit të sigurisë izraelite që Izraeli t’i përgjigjet çdo droni të lëshuar nga Hezbollahu duke shkatërruar dhjetë ndërtesa në kryeqytetin libanez, Bejrut. Kjo kërkesë u mbështet edhe nga ministri i Sigurisë Kombëtare, Itamar Ben-Gvir.

Shefi i Shtabit, Eyal Zamir, tha se ndërtesat në Bejrut duhet të sulmohen në hakmarrje për sulmet me dron ndaj ushtarëve izraelitë.

Ministri i financave i fuqisë pushtuese, Bezalel Smotrich, ka kërkuar brutalitet kundër Libanit në përgjigje të sulmeve me dron të Hezbollahut, të cilat kanë filluar ta dobësojnë ushtrinë pushtuese në Libanin jugor në një mënyrë të paprecedentë.

Smotrich tha: “Ne nuk do t’i mposhtim dronët me mbrojtje, por me sulm, dhe për çdo dron duhet të shkatërrojmë dhjetë ndërtesa në Bejrut.”

Izraeli ka pranuar se dronët e Hezbollahut janë një pengesë e pakapërcyeshme dhe se deri më tani kanë vrarë të paktën 11 ushtarë izraelitë. Bezalel Smotrich ka propozuar gjithashtu një buxhet prej 700 milionë dollarësh për të luftuar dronët e Hezbollahut. /tesheshi.com/

Burimi: mesazhi