Vezët janë ndër ushqimet që përgatiten shpejt dhe me lehtësi, ndaj nuk është çudi që për shumë persona ato janë vakti i preferuar i mëngjesit.

Krejt unike dhe tepër e shijshme, kjo recetë është një kombinim perfekt vlerash dhe shijesh.

Ndiqni më poshtë hapat dhe pse jo provoni ta përgatisni edhe ju.

Përbërësit

• 150 g thërrime buke
• 6 të verdha veze
• Kripë dhe piper sipas dëshirës
• 1 ose ½ avokado (sipas dëshirës)
• Vaj ulliri
• Limon

Përgatitja

1. Hidhni thërrimet e bukës në pjatë dhe hidhni me shumë kujdes të verdhat e vezëve.
2. Me ndihmën e një luge spërkatini të verdhat me thërrime buke derisa të mbulohen plotësisht.
3. Lërini në ngrirje për 8 orë.
4. Para se t’i nxirrni të verdhat e vezëve nga frigoriferi përgatisni avokadon.
5. Qëroni një avokado dhe priteni në feta.
6. Fetat trasferojini në një tas dhe shtypini mirë me ndihmën e një piruni.
7. Shtoni kripë dhe piper sipas shijes tuaj dhe disa pika lëng limoni.
8. Përzejeni mirë masën sa përbërësit të bashkohen.
9. Thekni fetat e bukës dhe më pas lyejini me masën e avokados dhe me pak vaj ulliri.
10. Vazhdoni me skuqjen e vezëve në vaj të nxehtë për 1 minutë.
11. Vendosini të verdhat e skuqura në tostin tuaj me avokado dhe më pas nuk ju mbetet gjë tjetër veçse t’i konsumoni.

Burimi: mesazhi