E hënë, 13 Korrik 2026
Neymar nuk ka humbur kohë për të gjetur një sfidë të re konkurruese pas eliminimit zhgënjyes të Brazilit nga Kupa e Botës 2026.
Ylli 34-vjeçar brazilian u pa duke marrë pjesë në “World Series of Poker” në Las Vegas, vetëm pak ditë pasi Brazili u eliminua nga Norvegjia.
Neymar ka zëvendësuar përkohësisht fushën e futbollit me tavolinën e pokerit.
Superylli brazilian u filmua të shtunën në mbrëmje duke marrë pjesë në turneun prestigjioz kryesor të “World Series of Poker”, me tarifë hyrëse prej 10 mijë dollarësh.
Kjo nuk është hera e parë që Neymar provon veten në poker të nivelit të lartë. Sipas “Fox Sports”, ai kishte arritur deri në tavolinën finale të edicionit të vitit 2025.
Këtë herë, megjithatë, aventura e tij përfundoi shumë më shpejt.
Ish-ylli i Barcelonës dhe Paris Saint-Germain nuk arriti të kalonte ditën e parë të turneut.
Eliminimi i hershëm nga pokeri erdhi vetëm pak ditë pas përfundimit të parakohshëm të aventurës së tij në Kupën e Botës.
Paraqitja në Las Vegas erdhi pas një momenti të rëndësishëm në karrierën e sulmuesit.
Pas humbjes 2-1 të Brazilit ndaj Norvegjisë në fazën e 1/8 së finales së Kupës së Botës 2026, më 5 korrik, Neymar njoftoi tërheqjen nga futbolli ndërkombëtar.
Neymar Jr Scooping Pots at the WSOPStraight from the pitch, to the felt! @neymarjr made his way from the FIFA World Cup to the World Series of Poker to play in the $10,000 six-max event. pic.twitter.com/mJFywqWc8M
Burimi: 04online
