Prizren Post - Nga qendra e Ballkanit!

Atletico do hapë procedurë ligjore për transferimin e Griezmannit

Prizren Post | 19:16 - 12.07.2019

Atletico Madridi përmes një komunikate zyrtare ka paralajmëruar se do të hapë procedurë ligjore për transferimin e Antoine Griezmannit në Barcelonë.

Ylli francez u transferua sot te Barcelona, e cila ka paguar klauzolën e tij prej 120 milionë euro, transmeton Koha.net.

Por, përkundër kësaj Atletico Madridi ka reaguar për ndërprerjen e kontratës së njëanshme nga ana e Griezmannit, duke theksuar se Barça kishte arritur marrëveshje me lojtarin kur klauzola e tij ishte 200 milionë euro.

“Antoine Griezmann, i përfaqësuar nga avokati i tij, u paraqit në qendrën e ‘Liga de Futbol Profesional (LFP)’ për të ndërprerë kontratën që lidhte lojtarin me Atletico Madridin, me Barcelonën që ka depozituar shumën prej 120 milionë eurosh”, thuhet në komunikatën e Atletico Madridit.


Etiketa:
Arivisti Company