E hënë, 31 Gusht 2026
Një grua pësoi djegie të rënda gjatë një lindjeje cezariane kur shpërtheu një zjarr, një ngjarje e rrallë e shkaktuar nga lëngu antiseptik që bie në kontakt me një instrument elektrokirurgjik. Kjo ndodhi në Pragë.
Sipas spitalit Bulovka, i vendosur në pjesën veriore të kryeqytetit çek, incidenti ndodhi më 25 gusht. I porsalinduri nuk u lëndua.
“Prerja cezariane u krye për shkak të komplikacioneve të rënda gjinekologjike,” tha zëdhënësja Eva Stoletzda Lybigerova për AFP.
“Gjendja e nënës është e qëndrueshme dhe nuk kërkon kujdes intensiv, ajo mbetet në repartin e maternitetit me fëmijën e saj,” shtoi ajo.
Gazeta Denik N raportoi dje se nëna 24-vjeçare pësoi djegie nga një mjet i përdorur për të ndaluar gjakderdhjen pasi stafi i dha një antiseptik të ndezshëm.
Ajo shtoi se pacientja ishte transferuar në një spital tjetër të Pragës me një njësi djegiesh të rënda për trajtim të mëtejshëm para se të kthehej në Spitalin Bulovka.
Ajo pësoi djegie në organet gjenitale, kofshët, brinjët dhe pjesën e poshtme të barkut, tha gazeta.
“Spitali po heton incidentin në përputhje me procedurat e përcaktuara”, shpjegoi Stoletzda Lybigerova.
Spitali është një nga spitalet më të mëdha universitare në Pragë.
Ai u kritikua ashpër në vitin 2024 pasi kreu aksidentalisht një abort pas një ngatërrese midis dy pacienteve me prejardhje aziatike. /tesheshi.com/
Burimi: tesheshi
