Reshjet e dendura të shiut, të cilat gjatë ditës kanë përfshirë pothuajse të gjithë territorin e Kosovës, kanë shkaktuar përmbytje edhe në komunën e Rahovecit, ku në disa zona është vështirësuar ndjeshëm qarkullimi i automjeteve dhe lëvizja e qytetarëve.

Sipas pamjeve të publikuara nga mediumi lokal, sasi të mëdha uji kanë mbuluar rrugë të shumta lokale, ndërsa në disa raste përmbytjet kanë depërtuar edhe në oborret e shtëpive dhe objekteve të tjera.

Pamjet e publikuara tregojnë automjete që lëvizin me vështirësi nëpër rrugët e mbuluara nga uji.

IHMK ka paralajmëruar mot me shi e shkarkime rrufesh të hënën.

Burimi: mesazhi