Numri i palestinezëve të vrarë në Rripin e Gazës ka arritur në 72,803, shumica gra dhe fëmijë, që nga fillimi i ofensivës izraelite në tetor të vitit 2023, sipas burimeve mjekësore palestineze.

Të njëjtat burime bëjnë të ditur se 172,855 persona të tjerë janë plagosur gjatë kësaj periudhe.

Autoritetet shëndetësore theksojnë se bilanci i viktimave mbetet i paplotë, pasi shumë trupa ndodhen ende nën rrënoja dhe nuk mund të arrihen nga ekipet e shpëtimit dhe autoambulancat.

Gjatë 24 orëve të fundit, në spitalet e Gazës janë dërguar gjashtë të vrarë dhe 34 të plagosur nga sulmet izraelite.

Sipas të dhënave zyrtare, që nga hyrja në fuqi e armëpushimit më 11 tetor 2025, janë vrarë 906 palestinezë dhe janë plagosur 2,747 të tjerë. Ndërkohë, ekipet e kërkim-shpëtimit kanë nxjerrë nga rrënojat të paktën 781 trupa të pajetë. /mesazhi

Burimi: mesazhi