Përbërësit:

• 500 g kungull i pastruar
• 100 g bukë e thekur e bluar
• 60 g djathë kaçkavall
• 50 g djathë parmixhan i grirë
• 1 vezë
• Majdanoz i grirë
• Vaj ulliri
• Kripë

Përgatitja:

1. Priteni kungullin në kubikë, spërkateni me pak vaj dhe kripë dhe piqeni në furrë në 200°C për 25–30 minuta, derisa të zbutet.
2. Shtypeni në formë pureje dhe lëreni të ftohet pak.
3. Shtoni vezën, parmixhanin dhe bukën e bluar, pastaj përziejini derisa të formohet një masë që punohet lehtë.
4. Merrni pak nga masa, vendosni në mes një kubik djathi dhe formoni qofte të rrumbullakëta.
5. Përziejeni bukën e bluar për veshje me majdanozin, kaloni qoftet në të dhe vendosini në fritezën me ajër, pa i mbivendosur.
6. Spërkatini me pak vaj dhe piqini në 190°C për rreth 18 minuta, duke i kthyer 5 minuta para përfundimit, derisa të marrin ngjyrë të artë.
7. Lërini të pushojnë 2–3 minuta para se t’i shërbeni.

Burimi: mesazhi