Manchester United po shqyrton mundësinë e shitjes së kapitenit Bruno Fernandes gjatë verës së ardhshme, ndërsa drejtuesit e klubit synojnë ta ruajnë vlerën e tij në tregun e transferimeve.

Sipas “Football Insider”, klubi anglez po planifikon ta aktivizojë klauzolën për zgjatjen e kontratës së mesfushorit portugez deri në vitin 2028, përpara se të shqyrtojë ofertat e mundshme.

Fernandes ka hyrë në një periudhë të vështirë te Unitedi, pas kritikave ndaj trajnerit Michael Carrick dhe vendimit për ta lënë në bankën rezervë në ndeshjen e fundit. Ndërkohë, interesimi nga klubet e Arabisë Saudite mund të rikthehet në afatet e ardhshme kalimtare.

Portugezi kishte refuzuar më herët një ofertë prej 100 milionë funtesh nga Al-Hilal, por situata aktuale në Manchester mund ta bëjë të ardhmen e tij sërish temë diskutimi.

Për momentin, largimi i kapitenit nuk është konfirmuar, ndërsa gjithçka pritet të varet nga ofertat dhe vendimet e drejtuesve të klubit./04 Online/

Burimi: 04online