Ministria e Jashtme e Emirateve të Bashkuara Arabe ka mohuar deklaratat se kryeministri izraelit, Benjamin Netanyahu, ka zhvilluar një vizitë sekrete në Abu Dhabi gjatë luftës mes Izraelit dhe Iranit.

Në një deklaratë zyrtare, ministria tha se raportet për një vizitë të Netanyahut apo për praninë e një delegacioni ushtarak izraelit në territorin emiratas janë “të pavërteta dhe të paverifikuara”.

Autoritetet emiratas theksuan se marrëdhëniet mes Emirateve dhe Izraelit janë publike dhe zhvillohen në kuadër të Abraham Accords, duke shtuar se ato “nuk bazohen në marrëveshje sekrete”.

Reagimi erdhi pasi zyra e Netanyahut pretendoi se vizita ishte zhvilluar gjatë operacionit ushtarak “Lion’s Roar” dhe kishte sjellë një “përparim historik” në marrëdhëniet mes dy vendeve.

Ndërkohë, ambasadori amerikan në Izrael, Mike Huckabee, deklaroi se Izraeli kishte vendosur sisteme mbrojtëse “Iron Dome” në Emiratet e Bashkuara Arabe gjatë konfliktit.

Lufta mes Izraelit dhe Iranit shpërtheu pas sulmeve amerikano-izraelite në muajin shkurt. Edhe pse muajin e kaluar u arrit një armëpushim, Emiratet raportuan disa sulme me raketa dhe dronë nga Irani. /mesazhi

Burimi: mesazhi